Psalms 80
Tumtheih makaipa ading. “Thukhun unok kungte” aw a sak. Asaph phuah. Phatna-la khat.
1 Israel Cingpa, tuuhon banga Joseph a makaihpa; acherub-te kikal ah tu a,
2 Ephraim, Benjamin le Manasseh mai-a a tangkhiapa aw, kote hong za in. b
Na thahatna phong inla hong c
pai-in kote hong hon in. d
3 Ka ngei uh hong bangsak in Pasian aw; e
kote hong kihotkhiat theih nadingin
ko tungah na mai hong taan in.
4 TOPA Thahatpen Pasian aw,
na mite thungetna langkhatah
bang tanvei hehsan lai ding na hiam? f
5 Khitui anlum in amaute na vak khin a; g
kuang-uk dimin amau khitui na dawnsak khin hi.
6 Ka vengte uh tungah phunna bul nong suaksak a,
ka galte un hong zahko uh hi.
7 Ka ngei uh hong bangsak in a Thahatpen Pasian aw,
kote hong kihotkhiat theih nadingin
ko tungah na mai hong taan in.
8 Egypt panin lenggui khat na puakhia a; h
minamte nawhkhia in tua na suan hi.
9 Na suan nading mun na hah sianga,
tua in zungkha-in gamsung a dim hi.
10 A liim in mualliante tuam a,
ahiangte in tamtak liante hiang a liah hi.
11 A guipite Tuipi ▼
▼ 11 Mediterranean hi kha ding.
lam ah zaam a,a hiang neute Gunpi ▼
▼ 11 Tua in Euphrates
dongah a zaam hi. k12 A tawn khate khempeuh in a gah a lawh theih nadingin
bang dinga a kulhte sukham na hi hiam? l
13 Tulak a ngal khaatte in phukek uh a, m
gamlak ganhingte in kivakna-in nei uh hi.
14 A Thahatpen Pasian aw, ko kiangah hong kileh in!
Van pan hong ensuk inla mu in! n
Hih lenggui cing in,
15 a zung na khut taklama na suansa hi a,
a tapa ▼
▼ 15 Ahikeh hiang
nangmah mah in nang adinga na laptoh ahi hi.16 Na lenggui kisattat a mei in a kang hi; p
na mite na taihilh a, a kisia uh hi. q
17 Na taklam a mipa nangmah mah in
na laptoh mihing tapa tungah na khut nga in.
18 Tua ciangin nang kong taisan nawn kei ding uh hi;
kote hong puahpha in, na min kong sam ding uh hi. r
19 Ka ngei uh hong bangsak in TOPA Thahatpen Pasian aw;
kote hong kihotkhiat theih nadingin
ko tungah na mai hong taan in.
Copyright information for
ZomZIV